حفلة مارينا والوصف التفصيلى

امبارح كانت حفلة حماقى فجولف بورتو مارينا انا وصلت الساعة 6 تقريبا والباص اللى جايب الناس من القاهرة وصل الساعة 7 وشوية وكلنا فضلنا مستنيين لحد الساعة 1 ونص حماقى دخل بأغنية فى حضن عينيك وكانت دخلة مختلفة هاتشوفوها فالفيديو وبعدها غنى متعقد وحاجة مش طبيعية وناويها وكان مالى وواحده واحده ودنيتى اتغيرت واحلى حاجة فيكى ولسه بتخاف وجت يا مجتش ولو دعيالى وقول واتكلم واحساس فظيع وانا لو اذيته ووافتكرت ومش سهل ونهى الحفلة بقول واتكلم تانى
لو دعيالى طبعا انا اول واحد طلبتها منه وفعلا غناها وقبلها غنى جت يا مجتش بسبب ان كان فى ييجى 15 او 20 واحد جنبى بيقولوا فنفس واحد جت يا مجتش جت يا مجتش جت يا مجتش ف كان لازم يغنيها ولما جه يغنى لو دعيالى قال انا هغنى اغنية بحبها من الألبوم الجديد ف حسيت انها فعلا لو دعيالى وقبل ما يغنى لسه بتخاف قال انها زى رسالة برده
حماقى شكر اللى موجودين فالحفلة توما وتميم ورامى جمال وخالد عز وامير طعيمة ومحمد عاطف وكمان جيهان عبد الله كانت موجودة وشكر الجمهور وبعدها طلع الفنان محمد فؤاد اللى كان مفاجأة لكل الحاضرين وشكر حماقى لانه اول واحد بعتله بوكيه ورد لما الألبوم بتاعه نزل وحماقى شكره وطلب منه يغنى وغنى حتة من اغنية ابن بلد
الحفلة خلصت الساعة 3 ونص

ونشالله بعيش وبغني